بابا بهار بخش خان (ڪٿڪ ڊانس ماسٽر ):بهار بخش خان ولد حاجي قـطـب الـديـن خـان 1902ع ۾ ريـاست بيڪانير هندستان ۾ جنم ورتو. بهار بخش خان طبلي وڄائڻ جي فن جي سکيا غلام حسين خان عرف گامي خان کان ورتي هئي، جيڪو دهلي گهراڻي جي بابا سڌار خان (طـبـلي نـواز) جـي اولاد مــان هــو. بهار بخش خان ڪٿڪ جي تربيت بنارس گهراڻي جي جانڪي پرڪاش کان ورتي. بهار بخش خان'>بابا بهار بخش خان طبلي جو تمام وڏو ماهر رهيو آهي، سندس گهڻو وقت سنڌ جي برک گائڪ ۽ راڳي خانصاحب خير محمد خان سان گذريو. بهار بخش خان'>بابا بهار بخش خان جا ڪيترائي شاگرد آهن، جن ۾ استاد مهر الدين خان ڪٿڪ، هزاري لال اگروال ڪٿڪ، سندس ننڍو ڀاءُ محمد صديق، مرحوم اڪبر حسين سمراٽ ۽ ٻيا ڪيترائي ڪٿڪ ڊانسر شامل آهن. گنگا نگر، جگجيت ۽ چترا سنگهه، جــنــهـن فـتـح مـحـمـد جي اڪيڊميءَ ۾ سکيا ورتي، اهو فتح محمد پڻ بـابـا بـهـار بـخـش خـان جو شاگرد هو. فلم انڊسٽري جي ڊانس ڊائريڪٽر بابا عاشق حسين جو فرزند پڻ سندس شاگرد رهيو. بابا بهار بخش 22 جنوري 1979ع تي وفات ڪئي. سندس آخري آرامگاهه فقير محمود بخاريءَ جي مزار پٺيان آهي.
1902.00.00 عيسوي
بهار بخش خان 1902ع ۾ ريـاست بيڪانير هندستان ۾ جنم ورتو
1979.01.22 عيسوي
بابا بهار بخش 22 جنوري 1979ع تي وفات ڪئي